بوظت لابتوب . ياريت حد يفهمنى لان المعلومات ساحت فى دماغى . مبتدأ مش فاهم حاجه

+7 تصويتات
سُئل نوفمبر 17، 2016 في تصنيف التعدين بواسطة CPU و GPU بواسطة teto متحمس (268 نقاط)
السلام عليكم

قصتى مع البيتكوين ان مفيش منتدى عربى واضح وشروحات باللغه العربيه كل المواضيع العربيه كوبى وباست ... مش محتاج افهم ايه هو البيتكوين ولا الكلام التقليدى محتاج استثمر وجربت مواقع كتير جدا ونصبت ... فكرت اعدن بنفسى فلانى برضه مش فاهم المفروض اعمل ايه نزلت برنامج البت منتر bitminter > ماشاء الله فى ليله واحده بس حرقت اللابتوب وبعته لبتاع الخرده ب 5 جنيه هههههههه والله بجد .....

بدأت اتعامل مع ابوبلاش factus لقيت الموضوع ممل جدا ووقت كتير جدا مع كلام فاضى .....

بتمنى حد يكون صدره رحب ياخدنى على أد عقلى معلش ويمشى معايا خطوه خطوه كده اعمل ايه ؟؟؟؟ لو ينفع يتواصل معايا واتس اب او اى وسيله سريعه اتمنى بجد ... مع العلم انى مقيم حاليا فى غانا مش فى مصر فشايف انه سهل ليا لو هشترى اى جهاز تعدين او خلافه لكن خايف اشترى اى حاجه وانا اصلا مش فاهم المفروض اعمل بيها ايه ....

اسف انى طولت عليكم واتمنىى ان شاء الله ملقيش نفسى فى الاسئله التى لم يرد عليها :)

تحياتى

4 إجابة

+3 تصويتات
تم الرد عليه نوفمبر 17، 2016 بواسطة Mahmoudzaky مبتدأ (167 نقاط)

مش فاهم ازاي حرقته؟ وهبعتلك رقمي  اهو نفيد بعض 

تم التعليق عليه نوفمبر 17، 2016 بواسطة teto متحمس (268 نقاط)
شغلت برنامج تعدين مكنتش فاهم موضوع الحراره وسبته ونمت صحيت لقيت الجهاز ضلمه مش راضى يشتغل لفيت بيه على مراكز صيانه مختلفه كله قلك البورده اتحرقت ملهوش تصليح
تم التعليق عليه نوفمبر 17، 2016 بواسطة Mahmoudzaky مبتدأ (167 نقاط)
انا بعت ليك رقمك كلمني واتس بليز
وانت كان عندك تكيف ولا؟
+3 تصويتات
تم الرد عليه نوفمبر 17، 2016 بواسطة teto متحمس (268 نقاط)
بحاول الف فى المواضيع والاسئله دماغى لفت اكتر .... مع كامل احترامى للمكان وانه تقريبا المكان الوحيد الاكثر احتراما بيتكلم عن العملات الالكترونيه لكن مفيش ترتيب ده اولا ثانيا مفيش موضوع كامل كل سؤال بيدخلنى لمجموعه اسئله تانيه . والشروحات اغلبها محتاجه ناس بتفهم كمبيوتر كويس اوى . فمش عارف اروح ادرس لغه برمجه الاول وكمبيوتر واجى ولا ايه ههههههه
+1 تصويت
تم الرد عليه نوفمبر 18، 2016 بواسطة user5 شغوف (3,475 نقاط)
انا زيك مش فاهم حاجة في العملات الرقمية بس لاب توب تعدن به فكويس انه اتحرق بس
أحسنلك حاليا من وجهة نظري شركات التعدين السحابي افضلك بس غالبا راس مالك يرجعلك علي سنة  ادخل علي قسم التعدين السحابي في الموقع  وأصبر شوية علي نفسك تانا لي 5شهور باتعلم وياريت نافع  
 وهاتلك كمبيوتر وعدن به أي حاجة غير البتكوين او اي حاجة مافيها sha256
غانا اظن به درجات الحرارة عالية صحيح فدي معضلة لو عايز تجيب جهاز تعدين
+1 تصويت
تم الرد عليه نوفمبر 19، 2016 بواسطة minegate مبتدأ (130 نقاط)

جرب الموقع دا www.minegate.org    موقع رائع  للتعدين السحابي اشتري جيجا هاش و هوا يعدن تلقائي و يبعتلك الفلوس علي محفظتك بدون ازعاج من اجهزة التعدين ذات الصوت المرتفع 

الموقع يعطي 50 جيجا هاش مجانا عند التسجيل و

ثمن ال 1000 جيجا هاش 80.00 دولار تستردهم في 120 يوم و تربح كل شهر 20 دولار و كلما زدت في الجيجا هاشات زادت الارباح

بصراحة الموقع اكثر من رائع و ضادق

تم التعليق عليه نوفمبر 19، 2016 بواسطة teto متحمس (268 نقاط)
والله ياغالى انا تعبت من التعدين السحابى عشان انا من اكتر الناس اللى اتنصب عليها . مع احترامى كمان الموقع ده سكام . يعنى ايه يدينى 50 جيجا هاش مجانا  . والارباح بعد 120 يوم  . واضح اوى انه تعدين وهمى
تم التعليق عليه نوفمبر 20، 2016 بواسطة a7med918 شغوف (2,918 نقاط)
الحدايه مش بتحدف كتاكيت
ASKB - اول مجتمع بيتكوين عربي متخصص لطرح الاستفسارات وتبادل المعلومات في مجال العملة الرقمية وتكنلوجيا سلسلة الكتل البلوك شاين

517 أسئلة

1,114 إجابة

1,679 تعليقات

626 مستخدم

×

تابعنا على صفحة الفيسبوك

...