البوست رقم 2 لانواع الكروت واسعارها واماكن شرائها فى مصر

+9 تصويتات
سُئل ديسمبر 19، 2016 في تصنيف التعدين بواسطة CPU و GPU بواسطة a7med918 شغوف (2,918 نقاط)
((بوســــــت رقـــ2ـــم )))
عرفنا ارباح عدد 10 كروت فى البوست رقم 1 ودلوقتى حنعرف مع بعض وهنخصص البوست ده لانواع الكروت واسعارها واماكن شرائها فى مصر
ملحوظة قبل ما نبدأ
*اللى عاوز يسأل يسأل فى كومنت هنا على الجروب
*لااقبل الاضافات للاسئلة الخاصة
*لاأروج لنفسى فقط عندى بعض العلم والخبرة وحابب اوصله للناس
*اللى عاوز يسأل يسأل حول الموضوع اللى بتتكلم عنه البوست وان شاء الله هنجاوب على كل الاسئلة على العام مش الخاص عشان الكل يستفيد
*انا غير مسؤل عن اتباع اى شخص منكم لكلام او تعليق شخص تانى سواء عنده او معندهوش خبرة
*جميع الكلام والبوستات المطروحة هنا تم تجربتها فترة 7شهور على الأقل
*ممنوع حد يسأل وحد تانى يرد عليه برابط فيه احالات
*لو البوستات دى وشروحاتى عملت مشاكل على الجروب وقومت الدنيا عشان رأى فلان احسن من رأى علان نلغيها وبلاش منها أحسن
*احترم الجروب واعضاؤه نشيلك على راسنا وكلنا نستفيد

بسم الله نبدا وندخل فى موضوع البوست
1- انواع الكروت الكروت منها نوعين AMD - Nvidia
2-النوع اللى شغال هو النوع الاول AMD النوع التانى شغال لكن غير شعبى فى التعدين واغلب البرامج لاتدعمه وحتى لو دعمته مفيش لها ابديت
3-بستسمع بعد كلمه AMD وانت بتشترى كلمه سافير او جيجا بايت او ام أس أى اوأكس اف أكس او او ....
4-كل الحاجات دى كلها عباره عن تعديبلات تبنتها الشركات دى سواء فى كفاءه او تبريد واغلبها تعديلات تبريد
5-التعديلات دى هتفيدنا فى التعدين ؟؟ ايوه طبعا عشان التبريد عامل مهم جدا والتبريد هيكون فى بوست لوحده
6-انهى احسنهم لو قدامى كارت اشترى مين فيهم ؟ فى الحققه اللى اتجرب من الافضل للاسواْ هو الام اس اى والاكس اف اكس والجيجا بايت ثم السافير
7-كل واحد له مميزات وعيوب من الشركات اللى اتبنت موضوع التعديلات ده ؟؟؟ ايوه ومش حنتكلم عنها لان كل الكروت شغاله ابدا انت بس وربنا هيكرمك...
8-اجيب انهى كارت ويجيب كام فى اليوم؟ السوال ده اتسألناه مليون مره ....الحقيقه الاجابه تجيب الكارت اللى على قد ميزانيتك ...ياما جمعنا شغل لناس تعدى ال 100 الف جنيه ...هو امكانياته كده ل.....وفيه ناس على قدها بدايتها كارت أو اتنين
9-الكروت انواعها ايه وموديلاتها ايه ؟ روح دور على الكروت دى فى الجديد أو المستعمل ولو لقيته اشتريه ...
Sapphire R9 280
Sapphire R9 285
Sapphire R9 290
Sapphire R9 380
Sapphire R9 390
Sapphire Rx470
انواع الكروت أهى
10-اسعار الكروت دى ايه ؟ .بكام ..؟؟ بالنسبه للمستعمل انت وشطارتك واحنا فى سوق وبالنسبه للجديد بيبدا من 4200 ج للكارت وانت طالع حتى 8000 ج الكروت منها المستعمل ومنها الجديد الجديد كل يوم فى الطالع والمستعمل كل اللى بيعدنه لموها من السوق للاسف ونادر لما تلاقى كارت
11-اسعار المستعمل متفاوت بيبدا من 1000 ج حتى 3650 ج ...وبالنسبالى انا عندى كارت مستعمل ب 7000 ج ...هتقولى ايه ده .؟ نوعه ايه ؟ هرد عليك واقولك مش مشكله نوعه ولا كفائته المهم ان محدش دلوقتى بييع الفرخه اللى بتبيض بيضه دهب
12-من ناحيه تانيه ده حيعطى فرصه نضيفه أوى للنصاب اللى فاهم ...ال اللى عنده كارت بايظ او فيه مشكله مستعمل يبيعه بالغالى ويقولك ده كارت بيعدن ياباشا
13-او الكلام ده حيفتح سكه تانيه لنصابين تانيه تلم الكروت منك باسم انها تشغلهالك فى التعدين وبعدين تاخد منك الكروت وتختفى وتبعها بمبالغ خياليه يرجى الانتباه
14-اماكن بيع المستعمل فين ؟ على جروبات الفيس وعرب هاردوير وهنا وهناك
15-اماكن بيعها جديده فى القاهره : مول البستان - مول سوق العصر

اتمنى اكون وفيت وكفيت عن الكروت وخلينا فقط نتلقى اسئلة حوالين النقطه المطروحة فقط وليس اى موضوع اخر وان شاء الله باقى البوستات حتكون فيها نقاط تانيه

الله أسأل لنا ولكم التوفيق م / أحمد نعيم

3 إجابة

+4 تصويتات
تم الرد عليه ديسمبر 19، 2016 بواسطة ma7moud gamal متحمس (251 نقاط)
تسلم على الشرح .... كان ليا كام استفاسر عايز اعرفهم من حضرتك

1-ممكن رابط البوست رقم 1

2- وبالنسبة للكارت  دا Sapphire Rx470  الناتج بتاعه بالدولار كام يوميا لانى لقيت سعرة فى حدود 190:200 دولار والمفروض دورة التعدين بتكون ما بين 6:7 شهور لاسترجاع رأس المال

3- السؤال الاخير انا عندى جهاز ما بستخدموش تقريبا فيه مزربورد g31 تنفع ولا لاء .. اعتذر لكثرة الاسئله
تم التعليق عليه ديسمبر 31، 2016 بواسطة a7med918 شغوف (2,918 نقاط)
تحت امرك
1-البوست رقم 1 مش عارف تاه منى ححاول اجيبه او اعيده تانى لضيق الوقت
2- الناتيج اليومين دول حوالى دولار يزيد حاجه بسيطه ان شاء الله او ممكن تدخل اى موقع وتكتب الهاش ريت للعمله اللى ناوى تعدنها بالنسبه للكارت الواحد وهو بيحسبلك ويطلعلك النتيجه
3 اذا كان فيه كارت pceI  سواء كبير او مينى هينفع وانا بعدن والله على مازر من قديم الازل فيها اماكن 5 كروت وراكب عليها الحمد لله 4 كروت بدون مشاكل
تم التعليق عليه يناير 1 بواسطة ma7moud gamal متحمس (251 نقاط)
الامر لله حبيبي ربنا يكرمك الف شكرا ليك
+3 تصويتات
تم الرد عليه ديسمبر 20، 2016 بواسطة qutaiba73 متحمس (498 نقاط)

الف شكر لك علي المعلومات 

تم التعليق عليه ديسمبر 31، 2016 بواسطة a7med918 شغوف (2,918 نقاط)
الشكر لله اهلا وسهلا بيك وده فقط رد جميل عليا اتعلمته هنا من ناس كتير
+1 تصويت
تم الرد عليه يناير 18 بواسطة Remon مبتدأ (112 نقاط)
عُدل يناير 18 بواسطة Remon

شكرا للافادة م / احمد

ولكن هناك شئ لم افهمه

حضرتك فى الفقرة ال 6 قولت 

(( فى الحققه اللى اتجرب من الافضل للاسواْ هو الام اس اى والاكس اف اكس والجيجا بايت ثم السافير ))

وفى الفقرة ال 9 قولت انواع الكروت اهي وكلهم سافير

سوالى ايهم افضل .... MSI GAMING Radeon RX 470​ ام   Sapphire Rx470

وشكرا لك

ASKB - اول مجتمع بيتكوين عربي متخصص لطرح الاستفسارات وتبادل المعلومات في مجال العملة الرقمية وتكنلوجيا سلسلة الكتل البلوك شاين

517 أسئلة

1,114 إجابة

1,679 تعليقات

626 مستخدم

×

تابعنا على صفحة الفيسبوك

...