مرجبا بك في اول مجتمع بيتكوين عربي، رجاءا قبل البدأ المرجوا قراءة شروط المشاركة في المنتدى بالضغط في هذا

الرابط

((بوســــــت رقـــ3ـــم ))) أنواع الهاردوير اللى شغال غير الكروت

+9 تصويتات
سُئل ديسمبر 19، 2016 في تصنيف التعدين بواسطة CPU و GPU بواسطة a7med918 عضو فضي (2,520 نقاط)
((بوســــــت رقـــ3ـــم )))
أنواع الهاردوير اللى شغال غير الكروت
ملحوظة قبل ما نبدأ
*اللى عاوز يسأل يسأل فى كومنت هنا على الجروب
*لااقبل الاضافات للاسئلة الخاصة
*لاأروج لنفسى فقط عندى بعض العلم والخبرة وحابب اوصله للناس
*اللى عاوز يسأل يسأل حول الموضوع اللى بتتكلم عنه البوست وان شاء الله هنجاوب على كل الاسئلة على العام مش الخاص عشان الكل يستفيد
*انا غير مسؤل عن اتباع اى شخص منكم لكلام او تعليق شخص تانى سواء عنده او معندهوش خبرة
*جميع الكلام والبوستات المطروحة هنا تم تجربتها فترة 7شهور على الأقل
*ممنوع حد يسأل وحد تانى يرد عليه برابط فيه احالات
*لو البوستات دى وشروحاتى عملت مشاكل على الجروب وقومت الدنيا عشان رأى فلان احسن من رأى علان نلغيها وبلاش منها أحسن
*احترم الجروب واعضاؤه نشيلك على راسنا وكلنا نستفيد

بسم الله نبدا وندخل فى موضوع البوست
1-الاجانب بتقول لازم بورده شديده وانا بقولك لا والف لا
2-الاجانب بتقول لازم باور سبلاى كبير وانا بقولك انا مهندس كهربه لا ومليون لا كمان
3-بروسيسور معين؟؟؟كلام فاضى كله
4-رايزرات معينه؟ ايوه دى مهمه الرايزر دا وصله او تطويله من الكارت للمازربورد عشان تعطى مساحه ما بين الكروت
5-اعدادات السوفت وير هنقولها فى بوست منفصل
6-المازربورد اى مازربورد يكون فيها PCIE سواء عادى أو Mini هيشتغل معاك كويس
7-محدش يفتى ويقول بورده معينه والباقى مش هيشتغل لانك ببساطه معلش انت مجربتش فسيب اللى جرب واشتغل هو اللى يتكلم ويحكم
8-يعنى مازربورد مستعمله G41 او H61 ام 300 ج تشتغل معاك كويس
9-من شهرين الباندل كله بالبروسيسور والرامات كان والله العظيم ب 350 ج يتحمل كارتين
10-الرامات يستحب تكون 4 جيجا اى رامات واقسم بالله عندى جهاز شغال برامات DDR2
11- للمره المليون بكررها اللى مجربش ميتكلمش ولا يعلق لو سمحتم - االبروسيسور اى حاجه هتشتغل معاك مادام العمله مش بتحتاج بروسيسور انت شغال GPU
12-الهارد كان اشتغاله كبيره والاجانب قالو لازم يكون من نوع SSD وانا بقولك الهارد ال 20 جيجا بتاع زمان - الهارد الداتا اللى كله باد سيكتور شغال زى الفل وانتاجه زى التانى بدون فرق يبقى ليه ندفع أغلى
13-فيه حاجه اسمها ريج او شاسيه بيتعمل الاجانب عملاه الوميتال...روح اعمله عند اى نجار ب50 ج وابعاده موجوده ع النت
14-الباور سبلاى زى ما اتكلمناعنه ده المعضله والاسترخاص فيه مش حلو طيب نعمل ايه
الباور الاف وات النهارده ب4750 ج جديد - يشغل معاك 3 كروت مثلا - طيب ايه رايك لو كل كارت محتاج بالميت 300 وات وجيبت باورات مستعمله ب300 ج او 350 ج عدد 3 كلهم تكلفتهم قول الف جنيه احسن وافضل من باور واحد عن تجربه وارخص وكمان لو باور جراله حاجه حيوقف لك كارت مش كل المجموعه حتقف!!ودا رأيى وده اللى لقيته افضل ومستقر افضل
15- الرايزرات متسترخصهاش فيه منها يو اس بى محترمه واسعارها بتبد من 180 ج وانت طالع للرايزر الواحد

لو فاتك البوست السابق راجعه من الرابط ده

http://askbitcoiner.com/3530/%D8%A7%D9%84%D8%A8%D9%88%D8%B3%D8%AA-%D8%B1%D9%82%D9%85-2-%D9%84%D8%A7%D9%86%D9%88%D8%A7%D8%B9-%D8%A7%D9%84%D9%83%D8%B1%D9%88%D8%AA-%D9%88%D8%A7%D8%B3%D8%B9%D8%A7%D8%B1%D9%87%D8%A7-%D9%88%D8%A7%D9%85%D8%A7%D9%83%D9%86-%D8%B4%D8%B1%D8%A7%D8%A6%D9%87%D8%A7-%D9%81%D9%89-%D9%85%D8%B5%D8%B1

الله أسأل لنا ولكم التوفيق ان شاء الله
م / أحمد

إجابة واحدة

+2 تصويتات
تم الرد عليه ديسمبر 20، 2016 بواسطة qutaiba73 عضو نشيط (363 نقاط)

الف شكر لك علي المعلومات 

تم التعليق عليه ديسمبر 23، 2016 بواسطة yusuf83 عضو جديد (100 نقاط)
بارك الله بك اخي العزيز شرح رائع
تم التعليق عليه مارس 24 بواسطة Mohammad agul عضو جديد (104 نقاط)
شكرا للافاده الجميله...
ASKB - اول مجتمع بيتكوين عربي متخصص لطرح الاستفسارات وتبادل المعلومات في مجال العملة الرقمية وتكنلوجيا سلسلة الكتل البلوك شاين

805 أسئلة

1,731 إجابة

2,409 تعليقات

1,443 مستخدم

×

تابعنا على صفحة الفيسبوك

...