مرجبا بك في اول مجتمع بيتكوين عربي، رجاءا قبل البدأ المرجوا قراءة شروط المشاركة في المنتدى بالضغط في هذا

الرابط

هل يقبل موقع Poloniex الجنسيات العربية لتأكيد الحساب للمستوى الثاني ؟

+10 تصويتات
سُئل في تصنيف تداول العملات الرقمية بواسطة viper93m عضو جديد (126 نقاط)
السلام عليكم ورحمة الله وبركاته

أحببت استخدام منصة Poloniex للتداول لكن جدا منزعج من كمية المعاناة التي يعاني منها مستخدموه عند سحب أرصدتهم

الكثير يقول إنه قد ينتظر ما يصل إلى 30 يوم لتأكيد عملية سحب رصيد ! والبعض يقول إنه تم تجميد حسابه عندما طلب سحب رصيد بسيط أقل من 2,000$ وطالبوه بتأكيد حسابه للمستوى الثاني حتى يتم السحب ! فضلاً عن سوء خدمة دعم العملاء

لذلك أشعر بالتخوف من هذه الأمور وأريد أن أعرف هل يقبل موقع Poloniex الجنسيات العربية لتأكيد الحساب في حال طالبوني برفع هويتي ؟ مع العلم أنني سوري وقد اعتدت على رفض المواقع الأجنبية لجنسيتي لمجرد الجنسية نفسها ، ولأنني خارج بلدي قد أستخدم الموقع من عدة أماكن ولا أستبعد أن يطالبوني بتأكيد هويتي لأي سبب كان ، فهل من أحد لديه تجربة بتأكيد الحساب خصوصا من الجنسيات الضعيفة كالسوريين واليمنيين والعراقيين والسودانيين مع احترامي للجميع وشكرا .

من فضلك سجل دخولك أو قم بتسجيل حساب للإجابة على هذا السؤال

7 إجابة

+1 تصويت
تم الرد عليه بواسطة yazan عضو جديد (120 نقاط)
شو المواقع يلي رفضت تاكيد الحساب بسبب الجنسية ؟؟ انا كمان سوري ومشترك بالبولونيكس بس لسا ما جربت ساوي الحساب بالمستوا التاني بس ما بظن يرفضو كرمال الجنسيه ! في عندك منصة youbit كمان منيحة للتداول بس يلي لاحظتو نسبة الfee عالية كتير للتحويل للمحفظة
تم التعليق عليه بواسطة viper93m عضو جديد (126 نقاط)
مشكور عالرد أخي
آخر تجربتين سيئين مريت فيهم مع بنك Payoneer اللي رفض كل الوثائق السورية ، وبعده موقع spectrocoin اللي عانيت معهم لتفعيل الحساب ولا رضيوا يفعلوه بحجة انتهاء صلاحية الباسبور بعد مدة قليلة ( وهي سنة ونص ! ) صحيح هالمواقع مو منصات تداول لكن بتعرف قديش السوريين محرومين من الخدمات المشهورة، ولأن الدعم الفني تبع Poloniex معروف أنه سيء فخايف كمان يعملوا لي مشاكل ، أنت جربت تسحب منه رصيد أخي ؟ شكرا الك
تم التعليق عليه بواسطة yazan عضو جديد (120 نقاط)
لا والله ما جربت بس الموضوع بسيط اخي فتاح على خيارات الحساب وحط اللانقتال للمستوا الثاني حط العنوان وبعات الملفات المطلوبة وانتظر الرد طبعا هل شي عملو قبل ما تحط اي نوع من العملات بحسابك عل منصه اول شي اكد الحساب وبعدين نتقل للمستوا التاني وبعد التاكيد بيصير فيك تداول لحد 25 الف دولار جرب وخبرنا اخي الكريم
تم التعليق عليه بواسطة HASSAN عضو نشيط (202 نقاط)
اخي الكريم علي حسب معلوماتي ان ترقية الحساب من الفين دولار الي ٢٥الف دولار علي منصة بولونيكس هو فقط للسحب اليومي وليس له علاقة بحجم التداول
ارجو من الاخوة ان كنت مخطأ التصحيح او التأكيد
وبالنسبة للسحب لم اجرب السحب من بولونيكس
+3 تصويتات
تم الرد عليه بواسطة Abomouaz عضو جديد (111 نقاط)
اخي انا كمان سوري وساكن بسوريا ومن شهر جمدولي  حسابي وقال لازم فعلو من المستوى التاني لحتى استرجعو او فيني اسحب مصاري لمرة وحدة, طبعا انا بعتلن لفعلو بس لانو سوري فشي اكيد ما وافقو

المهم طلبت منن سحب مصرياتي حوالي ال 500$ وصرلن اكتر من شهر ما ردولي خبر , وهالشي كتير بخوف , يعني الموقع معروف بمصداقيتو بس ليش هيك ما عم يرد علي ما بعرف :( , حتى هلا من يومين حظرولي ال اي بي تبعي من الدخول عالموقع , ما عاد فيي فوت الا ببروكسي

الموقع نزل تحديث انو عم يتعرض لضغط كتير بالدعم وانو حيردو عالكل بس اصبرو علينا فـ انشا الله يردو

فانا بنصحك صديقي لا تستثمر فيه شي هلا وشفلك شي موقع تاني متل BTC-E , Bittrex , Kraken وفي كتير بس هدول ممتازين
تم التعليق عليه بواسطة viper93m عضو جديد (126 نقاط)
هاد اللي خايف منو والله ، الموقع في الو مصدافية صح لكن كتير عم أقرأ عن ناس عم تعاني من سوء خدمته
إذا بتتفضل بتجربتك مشان الناس تعرف .. هل بعتت لهم صورة هوية وطنية ولا باسبور ؟ وإذا باسبور قديش صلاحيته ؟ خبرنا لما تقدر تسحب رصيدك والله يعينك ويفرج عنك
تم التعليق عليه بواسطة Abomouaz عضو جديد (111 نقاط)
لا بعتت هوية وطنية ,
بس اجمالا الموقع اي حدا سوري ما حيقبلو حتى لو باسبورو في صلاحية , وفي كمان كم جنسية تانية
كتبو من شهرين انو نتيجة ارتفاع الجنوني لسعر البيتكوين مدري شو صار بالبلوكشين ( صراحة ما فهمت كتير ) وانو صار في اقباال كتيير من العالم ,  ومشان تحسين تجربة استخدام البولونيكس اتبعو سياسة جديدة وصارو يجمدو حسابات لحتى تتفعل .
انا بس بدي اسحب مصرياتي وينفلقو ببعضن هههههه .
الناس الي قرات عنن انو عم تعاني , مشي حالن بعدين ولا نصب عليهن ,  يعني معقول الموقع ما يرجعلنا ولا شي ؟؟؟
تم التعليق عليه بواسطة viper93m عضو جديد (126 نقاط)
والله حقك
بس بصراحة مابستغرب يرفضوا الهوية ، لأنهم كاتبين رفع صورة باسبور حصرا ، ولأن الجنسية ضعيفة أصلا فمستحيل يقبلوا الهوية
المستخدمين بينشروا تجربتهم لما يكونوا مو محصلين حقهم لكن بعد ما يسترجعوا مصرياتهم ما راح يكتبوا أنو انحل الموضوع ومشي الحال ،لكن حسب تجارب الناس لقيت أنو بالآخر الواحد بيقدر يسحب رصيده لكن بطلوع الروح وبعد شهور ، إلا إذا مفعل المستوى التاني أظن مافي صعوبات أبدا، أهم شي الواحد ما يخرق سياساتهم ، خليك طبيعي وبنصحك ترفع لهم صورة باسبور صالح مع سيلفي وعادي تستغرق شهور لأن خدمة الدعم تبعهم جداً سيئة ، الله ييسر أمورك ي رب وطمنا عنك
تم التعليق عليه بواسطة Abomouaz عضو جديد (111 نقاط)
المشكلة انو اسم حسابي اسم وهمي مو اسمي الحقيقي
فيني ارسلن الباسبور حتى لو غير اسم ؟ او فيني غير اسمي وحطو الاسم الحقيقي ؟
الله يسرلك امورك وانشا الله بتنحل مشكلتنا ومشكلتك
تم التعليق عليه بواسطة viper93m عضو جديد (126 نقاط)
إذا حسابك باسم شخص تاني حقيقي حاول تأمن باسبوره وترسل الصور وكمل عادي، أما اذا اسم من تأليفك بدك تراسل الإدارة حصرا مع إرسال الوثائق تبعك ( من نفس صفحة بروفايلك بتلاقي اسمك غير قابل للتعديل وجنبه خيار مراسلة لتعديل الاسم ) وتقلهم انك استخدمت nickname وبدك تعدله لاسمك الحقيقي، بالتوفيق ي رب
تم التعليق عليه بواسطة XANGEL عضو جديد (101 نقاط)
حب مين قال بدو الامر بسبور ا غالي بدو صورة شخصية مع الهوية والهوية الشخصية بس سوريا بسبب الحجر الاقتصادي عليها ممنوع قبول الاوراق السورية المهم انا تجربي بتقول انو تجميد الحساب لانو بسوريا بس!!!!!!! شغلتو بوراق اوربية وتفعل للمستوى 2 بس التجميد لايزال؟؟؟؟     
خدمة الدعم بالموقع جداً صعيفة لدرجة انو انا فتحت شي 400 بطاقة جاوبني الدعم وقلي وراقك صحيحة مبروك وشكرا لصبرك ل2 شهر من الانتظار وصار لحساب بيسحب اكثر من 2000$ باليوم لي يمكن بحياتي ما سويها هههههههههه بس لما اجينا!!!!!!!!
 لتكت تبع التجميد قلنا لدعم انو جماعة التكيد وافقو وقبلو وراقي وانو انا  مش سوري حرام عليكم ما قبل قال لازم تنتظر بس شو مش فاهم حاسيس مافي ترابط بين الدعم بنوب -
+2 تصويتات
تم الرد عليه بواسطة ايمن عضو جديد (111 نقاط)
والله حرام  انا ماجمدولي حسابي بس واجهت مشكلة في المرور للمستوى الثاني لرسلت الوثائق لكن لارد لحد الساعة. هل يوجد منكم من قام بتفعيل المستوى الثاني
تم التعليق عليه بواسطة Abomouaz عضو جديد (111 نقاط)
منذ متى ارسلت اليهم الوثائق ؟ كم يوم مضى ؟
تم التعليق عليه بواسطة ايمن عضو جديد (111 نقاط)
منذ اسبوع تقريبا
تم التعليق عليه بواسطة Abomouaz عضو جديد (111 نقاط)
انا منذ اكثر من شهر ولم يردو علي , للأسف عليك الانتظار كثيرا يا صديقي
تم التعليق عليه بواسطة viper93m عضو جديد (126 نقاط)
الأمريكان والأوروبيين عم ينتظروا من 3 أسابيع إلى 3 شهور حتى يتم تفعيل حسابهم للمستوى التاني بالبولونيكس
تم التعليق عليه بواسطة ايمن عضو جديد (111 نقاط)
يعني في امل يتم نفعيل المستوى الثاني لاني بصراحة اعتقد لايوجد منافس افضل من بولونيكس . شو رأيك
تم التعليق عليه بواسطة viper93m عضو جديد (126 نقاط)
الموقع روعة ماعدا خدمة الدعم تبعه ، أنت بس ترسل لهم صور حسب طلبهم انسى الموضوع كله حتى إشعار آخر ، والله ييسر
تم التعليق عليه بواسطة Abomouaz عضو جديد (111 نقاط)
اذا الاميركان والاوروبيين هيك تلت اشهر
فنحنا بدنا ننسا ابصر لايمتا -_-
عكلن هنن قالو انو وظقو مديرين جداد اكتر من ضعف العدد الي كان , وقالو انو الدعم حيتحسن كتير وحتلاحظو هالشي بالاسابيع المقبلة
انشا الله تنحل باسرع وقت
تم التعليق عليه بواسطة begasus عضو جديد (135 نقاط)
نصيحة ابعت لهم رسالة وافتح شكوى انا ايضا ارسلت صورة بطاقة تحقيق شخصية مصرية لهم وظل الحساب غير مفعل لمدة شهر تقريبا قمت بمراسلتهم وتسجيل شكوى وبعد مرور يومين تم تفعيل المستوى الثالى بحسابى,
اهم شئ ان تكون جميع البيانات بحسابك كما هى موجودة بمعرف الهوية الخاص بك من اسم وعنوان وخلافه
تم التعليق عليه بواسطة XANGEL عضو جديد (101 نقاط)
غرق الدعم بالرسايل ليرد
+1 تصويت
تم الرد عليه بواسطة MinerBro عضو نشيط (396 نقاط)

هل يوجد من جرب منكم منصة Kraken هي كذلك منصة مشهورة وتتضمن معظم العملات الموجودة في بولونيكس

تم التعليق عليه بواسطة youcef4332 عضو جديد (100 نقاط)
السلام عليكم اخواني اليوم صباحا لم استطع الدخول الى موقع بولونيكس .المرة الاولى ظهر لي انه تمت عدة محاولات دخول فاشلة و طلبو مني الاعادة بعد 20 دقيقة لكن بعد مرور 20 دقيقة اعدة المحاولة اصبح يظهر لي انه الكبتشا خاطء و لا يتم الولوج للموقع مع العلم اني ما غيرت المتصفح و ما استعملت vpn  حاولت مراسلة الدعم لكن لم استطع فهناك فقط طلب ticket  و يشترط الولوج لطلب ....هل احدكم واجه المشكل و هل من حل !!!  في رصيدي ما يقارب 470 $ شو بعمل !
+2 تصويتات
تم الرد عليه بواسطة adnan عضو نشيط (411 نقاط)
السلام عليكم
يلي عن يواجه مشاكل في بولونيكس يحكي معي
ممكن اقدر اساعده
+1 تصويت
تم الرد عليه بواسطة كمال-1990 عضو جديد (112 نقاط)
المشكل لم يعد فقط حصرا على سوريا الان اصبح معضم المتداولين يعانون من بطء في عمليات السحب وايضا الدعم بدأ يراسل المستخدمين بضرورة تفعيل خاصية 2fa بعد ان تم قرصنة حسابات بعض المستخدمين والشركة تقول انه المشكل ليس من درجة امان الموقع او السرفرات لان لديهم فريق حماية قوي. بل من المستخدمين الذين لايبالون بتأمين حساباتهم. الان على كل من يملك حساب في اي منصة تداول كيفما كانت  ان يقوم بتفعيل 2fa لان معظم قراصنة العالم تحولو من قرصنة حسابات البايبال والبطاقات البنكية الى قرصنة حسابات العملات الرقمية لانها بالنسبة لهم لن تتوفر اي ادلة ضدهم في حالة صرف وسحب وتحويل عكس الخدمات المالية الاخرى.
+1 تصويت
تم الرد عليه بواسطة مارسلينيو عضو نشيط (290 نقاط)
عُدل بواسطة مارسلينيو
اخي ارد عليك الان وانا لم اقرا اي رد من الردود الاخرى

اخي انا موثق حسابي بجواز السفر ولاتوجد اي مشكلة ابدا

وحتى قبل التوثيق لاتوجد لدي اي مشكلة في السحب ولاتوجد اي معاناة كما تقول او كما يقال لك

كما ان الدعم جيد ومتجاوب

ربما توجد بعض المشاكل لبعض الجنسيات لكن بالنسبة لي لم تظهر لي مشاكل هكذا
ASKB - اول مجتمع بيتكوين عربي متخصص لطرح الاستفسارات وتبادل المعلومات في مجال العملة الرقمية وتكنلوجيا سلسلة الكتل البلوك شاين

903 أسئلة

1,906 إجابة

2,581 تعليقات

1,774 مستخدم

×

تابعنا على صفحة الفيسبوك

...