مرجبا بك في اول مجتمع بيتكوين عربي، رجاءا قبل البدأ المرجوا قراءة شروط المشاركة في المنتدى بالضغط في هذا

الرابط

معلومات روعة عن siacoin بطريقة ممتعة ***منقول للفادة***

+6 تصويتات
سُئل يونيو 11 في تصنيف دروس العملة الرقمية بواسطة abou-rashed عضو جديد (114 نقاط)

سلام عليكم .. شويه معلومات عن عمله siacoin في صوره سؤال و جواب

مين الي ف الصوره ده ؟ 
ده تاك (اسمه الحقيقي ديفيد فوريك ) مؤسس و مطور عمله سيا كوين 
- متي تم اصدار العمله ؟ 
فريق التطوير بدا عام 2014 و تم اصدارها علي المنصات عام 2015 و في سنه 20166 اصبحت المركز ال 15 علي موقع ماركت كاب ( 16 دلوقتي )

-هل يمكن تعدين العمله ؟ 
 نعم يمكن تعدينها عن طريق الهارد ديسك او كروت الشاشه

- - ايه اهميه العمله ؟ و ايه الفرق بينها و بين العملات التانيه ؟ 
بما ان الاجابه ع السؤال ده كبيره شوي عايزك تطول بالك و تقرا باقي الاسئله .. صدقني هتستفاد 
وجهت نظري ان سيا كوين عمله ذو حدين .. بمعني انها منافسه لباقي العملات علي اكتر من 88 منصات دلوقتي .. كمان دي مش مجرد عمله ده مشروع تخزين سحابي منافس ل خدمات جوجل و dropbox

- مش فاهم منافس لجوجل ازاي ؟ دي جوجل يا جدع !! 
 بص اولا جوجل او غيره من الخدمات السحابيه دي طريقه تقليديه متعارف عليها من كل كائن علي وجه الارض لكن ان التخزين يعتمد علي تكنولوجيا البلوك تشين ده امر جديد ..خليني ابسطهالك .. دلوقتي انت لو رفعت كل بياتاتك علي منصه جوجل , تفتكر جوجل تقدر تعرف انت مخزن ايه عندها ؟ اكيد طبعا لان هي المتحكمه في كل بياناتك .. سيا كوين بتقولك لا مش انا الي اعمل كده .. بما انك عميل لذيذ انا هشفر البيانات واقسمها لملفات صغيره جدا و انشرها علي كل جهاز موجود ع الشبكه و يبقي انت الشخص الوحيد الي يقدر يسترجع الداتا دي .. و طبعا ماحدش هيعرف يأكسس الداتا بتاعتك عشان هي متشفره و لو فك التشفير مش هيقدر يعدل عليها لان هيكون فك تشفير جزء صغير جدا من الملفات و الباقي لسه مشتفر زي ماهو ..

-طيب انا مش فاهم ايه لزمه تعدين بالهارد ف الحوار ده ؟ 
 بص يا سيدي انت لما بتسلم الهارد بتاعك تسليم اهالي للشركه و هي بتديك مقابلها كوين بتحطلك ملفات في الهارد بتاعك .. و الملفات دي بتاعت ناس تانيه اتشفرت و جاتلك ع الهارد .

طيب انا باخد كام لو هستخدم الهارد بتاعي ؟ 
 صدقني ماجربتش بس جرب و قولي

-طيب هو ليه اصدرو عمله ؟ ما يخليهم ف التخزين ده حتي صاحب بالين كداب ياجدع .

بص بغض النظر عن المثل الشعب الغلط ده لان صاحب بالين مش كداب .. خليني اقولك ان انت ايه الي يصبرك تركن الهارد بتاعك شهور راهنه للشركه ؟ اكيد الفلوس ال كوين صح ؟ صح .. لو مافيش كوين ؟ يتحرقو بجاز .. احبك وانت بتفكر بدماغ مستثمر .. بص يا سيدي طول ما سعر العمله بترفع ده دافع ليك انت انك تكمل .. فعشان كده كان لابد من وجود محفز ليك الا و هو الكوين

- السؤال المتوقع .. هي العمله هتوصل لكام ؟ 
اقسم بالله ماعرف ::D

- انت جبت المعلومات دي من بتكم ؟ 
لا يابو لسان طويل 
https://goo.gl/kfnrTa 
https://goo.gl/U3VQmV


- اعدن ازاي عن طريق الهارد ديسك ؟ 
https://goo.gl/rNGpj3 
- اعدن ازاي عن طريق ال GPU ؟ 
https://goo.gl/rNGpj3 
والله نفس اللينك ايش هذا

مقال روعة وممتع موهبة في السرد ****منقول للافادة*** من احد صفحات الفيسبوك بس مش عارف مين صاحب المقال الاصلي***اظهر وبان عليك الامان laugh

2 إجابة

+3 تصويتات
تم الرد عليه يونيو 12 بواسطة Mamdouh عضو فضي (614 نقاط)
فينك من زمان, ابداع تحفة في توصيل المعلومة . نحتاج امثالك في هذا المنتدى وان تتحفنا بمشاراكتك المفيدة. لسه كنت بعمل بحث عن عملات التعدين عن طريق الهارد ديسك.
+2 تصويتات
تم الرد عليه يونيو 12 بواسطة ihab عضو جديد (160 نقاط)
يظهر اننا متأخرين كثير عليهم باالنظر الى صغر سن مؤسس هذه العملة واستطاع انشاء عملة بهذه المواصفات بل وتتصدر اكثر العملات تداولا شيء رائع.
ASKB - اول مجتمع بيتكوين عربي متخصص لطرح الاستفسارات وتبادل المعلومات في مجال العملة الرقمية وتكنلوجيا سلسلة الكتل البلوك شاين

800 أسئلة

1,721 إجابة

2,398 تعليقات

1,430 مستخدم

×

تابعنا على صفحة الفيسبوك

...